మెట్రో రైల్ మూడవ దశ డిపిఆర్ ల తయారికై కన్సల్టెట్ల నియామకం

మెట్రో రైలు మూడవ దశ కారిడార్ ల సవివరణాత్మక ప్రాజెక్ట్ నివేదికల (DPR) తయారీకి కన్సల్టెన్సీ సంస్థల  ఎంపికకై  పిలిచిన టెండర్లలో 5 కన్సల్టెన్సీ సంస్థలు తమ బిడ్లను సమర్పించాయని హైదరాబాద్ ఎయిర్ పోర్ట్ మెట్రో లిమిటెడ్ యండి శ్రీ ఎన్వీయస్ రెడ్డి ప్రకటించారు.  ఈ 5 సంస్థలలో ఆర్వీ అసోసియేట్స్, సిస్ట్రా, యు.ఎం.టి.సీ, మరియు రైట్స్ అనే 4 సంస్థలు  సాంకేతిక అర్హతను సాధించాయి. వాటి ఆర్థిక బిడ్‌లను ఆగస్టు 30వ తేదిన మెట్రో రైల్ భవన్‌లో తెరవడం జరిగింది. 

ఆర్వీ అసోసియేట్స్ సాంకేతికంగా అత్యంత అధిక మార్కులను పొందడమే కాకుండా మొత్తం 4 ప్యాకేజీలలోను కూడా అన్నిటికన్నా  అతి తక్కువ ఆర్ధిక బిడ్‌లను సమర్పించిందని శ్రీ ఎన్వీయస్ రెడ్డి  తెలిపారు. టెండర్ నిబంధనల ప్రకారం ఆర్వీ అసోసియేట్స్ కి రెండు ప్యాకేజీలను ఇవ్వటం జరిగిందని; మిగిలిన రెండు ప్యాకేజీలను సాంకేతిక పరంగా రెండవ స్థానంలో ఉన్న సిస్ట్రా సంస్థ అతి తక్కువ ఆర్థిక బిడ్ తో సమానంగా  తగ్గించగా, ఆ సంస్థకు ఇవ్వడం జరిగిందని ఆయన తెలిపారు.

4 ప్యాకేజీలను ఈ రెండు సంస్థలకు ఇచ్చిన తీరు క్రింది విధంగా ఉంది:

  ఈ రెండు కన్సల్టెన్సీ సంస్థలు వచ్చే రెండు నెలల్లో ట్రాఫిక్ సర్వేలు, రవాణా రద్దీ అంచనాలు, ట్రాఫిక్  అంచనాలు, పలు రకాల రవాణా వ్యవస్థల విశ్లేషణ వంటి వివిధ అధ్యయనాలు పూర్తిచేసి ప్రిలిమినరీ ప్రాజెక్ట్ నివేదిక (PPR)లను సమర్పించాలి. ఆ తరువాత మూడు నెలల్లో మెట్రో రైలు అలైన్‌మెంట్, వయాడక్ట్/భూమి ఉపరితల మార్గం/భూగర్భ మార్గం వంటి ఆప్షన్‌లు, స్టేషన్లు మరియు డిపోలు,  రైల్వే విద్యుత్ ఏర్పాట్లు, సిగ్నలింగ్ మరియు రైల్వే సమాచార వ్యవస్థ, రైలు బోగీలు, పర్యావరణం మరియు సామాజిక ప్రభావం, ఆదాయ వ్యయ అంచనా, ఛార్జీల పట్టిక , ప్రాజెక్టు  అమలు విధానం వంటి విషయాలపై సవివరణాత్మక ప్రాజెక్టు నివేదికలను (DPR)లను సమర్పించవల్సి ఉంటుంది. ముఖ్యమంత్రి శ్రీ కె. చంద్రశేఖర్ రావు ఆదేశానుసారం ఈ కన్సల్టెన్సీ సంస్థలను వివిధ కారిడార్ లలో సత్వరమే సర్వే పనులను ప్రారంభించాలని నిర్దేశించినట్లుగా యండి  తెలియజేసారు.

-0-