తెలంగాణాలో అగ్రి ప్రాసెసింగ్ యూనిట్స్ నెలకొల్పడానికి మరియు పెట్టుబడులకు ముందుకు రావాల్సిందిగా మలేషియా దేశ వ్యవసాయ మంత్రి మహ్మద్ బిన్ సాబుని కోరిన మంత్రి తుమ్మల..
మలేషియా పర్యటనలో భాగంగా వ్యవసాయ శాఖ మంత్రి తుమ్మల నాగేశ్వరరావు తెలంగాణలో అగ్రి ప్రాసెసింగ్ యూనిట్స్ నెలకొల్పడానికి, రాష్ట్రంలో పెట్టుబడులు పెట్టడానికి ముందుకురావాలని మలేషియా దేశ వ్యవసాయశాఖ మంత్రి మహ్మద్ బిన్ సాబుని కోరడం జరిగింది. వరుసగా మూడో రోజు మంత్రి మలేషియా దేశంలో పర్యటిస్తు, దేశంలోనే పలు ప్రాంతాలను సందర్శించారు. ఈ సందర్భంగా ఆ దేశ వ్యవసాయశాఖ మంత్రి మహ్మద్ బిన్ సాబుతో వారి కార్యాలయంలో సమావేశమైన మంత్రి తుమ్మల తెలంగాణ రాష్ట్రం వ్యవసాయ రంగంలో సాధించిన వృద్ధిని వివరించి తమ ప్రభుత్వం వ్యవసాయరంగానికి అధిక ప్రాధాన్యత ఇస్తుందని, అగ్రి ప్రాసెసింగ్ యూనిట్లు నెలకొల్పడానికి అనుకూల వాతావరణం ఉందని, తమ రాష్ట్రంలో అగ్రి ప్రాసెసింగ్ యూనిట్లు నెలకొల్పడానికి, రాష్ట్రంలో భారీగా పెట్టుబడులు పెట్టాలని కోరారు. మలేషియా మంత్రి సానుకూలంగా స్పందించారు.
ఫెల్డా చైర్మన్ అహ్మద్ షబేరీ చీక్, వారి ప్రతినిధులతో మంత్రి తుమ్మల సమావేశమై ఆయిల్ పాం రంగంలో రాష్ట్రం సాధించిన ప్రగతిని వివరించారు. రాష్ట్ర ఆయిల్ పాం రైతులకు ప్రయోజనకరంగా ఉండే పద్దతులపై చర్చించారు. మలేషియాలో భారత హై కమిషన్ శ్రీ బి.ఎన్. రెడ్డి ఆహ్వానం మేరకు వారి ఆతిధ్యాన్ని స్వీకరించి, వారితో ప్రత్యేకంగా సమావేశమయ్యారు. తెనాషియా ప్రైవేట్ లిమిటెడ్ (palmpro ) కంపెనీని సందర్శించి, యాంత్రికరణకు సంబంధించి అక్కడ వివిధ రకాల యంత్రాలు, పనిముట్లు, వాటి పనివిధానాన్ని మంత్రి తుమ్మల అక్కడి అధికారులను అడిగి తెలుసుకున్నారు. వెర్టికల్ స్టెరిలైజర్ మరియు హారిజాంటల్ స్టెరిలైజర్ ల వ్యత్యాసం కోసం మలేషియా లో Taner అనే కంపెనీస్ లో పరిశీలంచారు.10 సంవత్సరాల క్రితం వెర్టికల్ స్టెరిలైజర్ లో గెలలను ఉడకబెట్టే పద్ధతిలో ఉన్న ప్రాబ్లమ్స్ ని మార్పు చేయడం వలన అంతకాముందు ఉన్న అవరోధాలు తొలగించి ఇప్పుడు వచ్చిన లేటెస్ట్ వెర్టికల్ స్టెరిలైజర్ లో OER మరియు ఇతర ప్రాసెసింగ్ లో ఎలాంటి ప్రాబ్లమ్స్ లేకుండా చేస్తున్నారు. వెర్టికల్ స్టెరిలైజర్ లో రెగ్యులేట్ స్పీడ్ లో మిల్ నడపడం, తక్కువ లేబర్, ఎక్కువ సేఫ్టీ మరియు తక్కువ ఖర్చులు. ఇప్పుడు కట్టే అన్నీ పామ్ ఆయిల్ మిల్స్ లో వెర్టికల్ స్టెరిలైజర్ ని మాత్రమే వాడుతున్నారు రెండు పద్ధతులలో OER సరిసమానంగా ఉంటాయి అని టేనర్ కంపెనీ ప్రతినిధులు విశదీకరించారు.
