ఇంటి వ‌ద్ద‌కే టీజీఎస్ ఆర్టీసీ కార్గో సేవ‌లు..

హైద‌రాబాద్ లో ఫైల‌ట్ ప్రాజెక్ట్‌గా పార్శిళ్ల హోం డెలివ‌రీ

తక్షణం ప్రారంభం

త్వ‌ర‌లోనే రాష్ట్ర‌వ్యాప్తంగా హోం డెలివ‌రీ సేవ‌లు: మంత్రి పొన్నం ప్ర‌భాక‌ర్

త‌మ ప్ర‌త్యామ్నాయ ఆదాయాన్ని పెంచుకునేందుకు గాను లాజిస్టిక్స్(కార్గో) సేవ‌ల‌ను టీజీఎస్ఆర్టీసీ మ‌రింత‌గా విస్త‌రిస్తోంద‌ని ర‌వాణా, బీసీ సంక్షేమ శాఖ మాత్యులు పొన్నం ప్ర‌భాక‌ర్ తెలిపారు. అందులో భాగంగానే రాజ‌ధాని హైద‌రాబాద్ లో వేగ‌వంత‌మైన సేవ‌ల‌ను అందించేందుకు హోం డెలివ‌రీ సౌక‌ర్యాన్ని క‌ల్పిస్తున్న‌ట్లు పేర్కొన్నారు. ఆదివారం (ఈ నెల 27) నుంచి హైద‌రాబాద్ లోని 31 ప్రాంతాల నుంచి హోం డెలివ‌రీ సేవ‌లు అందుబాటులో ఉంటాయ‌ని వివ‌రించారు.

టీజీఎస్ఆర్టీసీ లాజిస్టిక్స్ సెంట‌ర్స్ నుంచి హైద‌రాబాద్ లో ఎక్క‌డికైనా హోం డెలివ‌రీ చేయవ‌చ్చ‌ని చెప్పారు. రాబోయే రోజుల్లో ఇంటి నుంచి ఇంటి వరకు సేవలు అందించేలా లాజిస్టిక్స్ విభాగాన్ని టీజీఎస్ఆర్టీసీ అభివృద్ధి చేస్తోంద‌ని తెలిపారు.

ప్ర‌జ‌లంద‌రూ హోం డెలివ‌రీ స‌దుపాయాన్ని ఉప‌యోగించుకోవాల‌ని వినియోగ‌దారుల‌ను మంత్రి పొన్నం ప్ర‌భాక‌ర్ కోరారు.

*పార్శిళ్ల హోం డెలివ‌రీ చార్జీలివే!*

0 నుంచి 1 కేజీ పార్శిల్‌కు రూ.50

1.01నుంచి 5 కేజీల‌కు రూ.60

5.01 నుంచి 10 కేజీల‌కు రూ.65

10.1 నుంచి 20 కేజీల‌కు రూ.70 2

20.1 నుంచి 30 కేజీల‌కు రూ.75

30.1 కేజీలు దాటితే.. పైన పేర్కొన్న స్లాబ్‌ల ఆధారంగా ధ‌ర‌లు ఉంటాయి.