తెలంగాణ రాష్ట్ర అటవీ అభివృద్ధి సంస్థ ఆధ్వర్యంలో హైదరాబాద్ లో ఎక్కడా లేని విధంగా బొటానికల్ గార్డెన్ లో వృద్ధుల కొరకు నూతన వ్యాయామశాల ఏర్పాటు చేశారు.
వ్యాయామశాలను తెలంగాణ రాష్ట్ర అటవీ అభివృద్ధి సంస్థ గౌరవ చైర్మన్ వంటేరు ప్రతాప్ రెడ్డి గారు ముఖ్య అతిధిగా, వైస్ చైర్మన్ ప్లస్ మేనేజింగ్ డైరెక్టర్ డా. జి. చంద్రశేఖర్ రెడ్డి గారు గౌరవ అతిధిగా రిబ్బన్ కటింగ్ చేసి ప్రారంభించడం జరిగింది.
ఈ సందర్బంగా ఎంతో మంది సీనియర్ సిటిజన్స్ ఈ యొక్క కార్యక్రమానికి హాజరై సంతోషం వ్యక్తం చేసారు.
వంటేరు ప్రతాప్ రెడ్డి మాట్లాడుతూ బొటానికల్ గార్డెన్ ను అన్ని హంగులతో విసిటర్స్ హెల్త్ పరంగా, మెంటల్ ఫిట్నెస్ పరంగా, రక రకాల ఔషద మొక్కలతో నేటివ్ మరియు ఎక్సయోటిక్ మొక్కలతో 2 సంవత్సరాలలో ఘనంగా సుందరంగా తీర్చిదిద్దినటువంటి వైస్ చైర్మన్ మరియు మేనేజింగ్ డైరెక్టర్ డా. జి. చంద్రశేఖర్ రెడ్డిని కొనియాడారు. రోజూ బొటానికల్ గార్డెన్ కు వందల మంది విజిటర్స్ వస్తున్న క్రమంలో అందులో ఎంతో మంది వృద్దులు ఉదయం సాయంత్రం వాకింగ్ వస్తూ వారికి ఉపయోగపడే ఫెసిలిటీ ఏమి లేదని ఎం. డి. గారు ఆలోచన చేసి, వారి కోసం ఈ యొక్క ఓపెన్ జిమ్ ను ప్రవేశపెట్టడం చాలా ఆనందదాయకం అని హర్షం వ్యక్తం చేశారు.
వైస్ చైర్మన్ మరియు మేనేజింగ్ డైరెక్టర్ డా. జి. చంద్రశేఖర్ రెడ్డి మాట్లాడుతూ 3 నెలల క్రితం నేను బొటానికల్ గార్డెన్ పనులను ఇన్ప్పెక్షన్ చేసే క్రమంలో తన దగ్గరకు ఒక సీనియర్ సిటిజెన్ వచ్చి సార్ ఈ గార్డెన్ లో మగ వాళ్లకి ఒక జిమ్ వుంది, ఆడ వాళ్లకి ఒక జిమ్ వుంది కానీ వృద్దుల గురించి ఏమైనా ఆలోచన చేయండి అని అడిగారని చెప్పారు. వెంటనే ఆ రోజు వృద్దుల జిమ్ ఎలా ఉండాలి, వారి యొక్క కంటి చూపుకి పదను, ఫ్లోర్ హుడిల్స్, స్టెప్ మరియు రాంప్ అసిస్ట్, స్టెప్ అసిస్ట్, లెగ్ ఎక్సటెన్షన్, వెర్టికల్ షోల్డర్ పుల్, షోల్డర్ ట్విర్ల వంటి పరికరాలు బోటానికల్ గార్డెన్ కు వస్తున్నటువంటి విసిటర్స్ మరియు వాకర్స్ కోసం తయారు చేయించాము అని తెలియచేశారు. ఇంకా బోటనికల్ గార్డెన్ను మరింత సుందరంగా తీర్చిదిద్దుతామని అనేక రకాల మొక్కలకు బోటనికల్ గార్డెన్ హైదరాబాద్ లో పుట్టినిల్లుగా మారేలా చర్యలు చెప్పడతామని తెలియచేసారు.
