హీరోయిన్ కలర్స్ స్వాతి… రెండో పెళ్లితో మళ్లీ వార్తల్లోకి! ఒకప్పుడు “పెళ్లి కంటే కుక్కను పెంచుకోవడం మంచిది” అన్న స్వాతి.. ఇప్పుడు జీవితానికి రెండో ఛాన్స్ ఇచ్చింది.
తెలుగు ప్రేక్షకులకు కలర్స్ కార్యక్రమంతో దగ్గరైన స్వాతి రెడ్డి వ్యక్తిగత జీవితం మరోసారి చర్చనీయాంశంగా మారింది. సోషల్ మీడియాలో, సినీ వర్గాల్లో వస్తున్న సమాచారం ప్రకారం స్వాతి రెండో వివాహం చేసుకున్నట్లు వార్తలు వైరల్ అవుతున్నాయి. ఈ సమయంలో గతంలో ఆమె చేసిన ఒక వ్యాఖ్య మళ్లీ నెటిజన్ల చర్చకు వచ్చింది.
మొదటి పెళ్లి.. విడాకులు
స్వాతి 2018లో పైలెట్ వికాస్ వాసుతో వివాహం చేసుకున్నారు. కొంతకాలం ఇండోనేషియాలో నివసించిన ఈ జంట, వ్యక్తిగత కారణాలతో తర్వాత విడిపోయారు. అయితే విడాకుల విషయంపై స్వాతి పెద్దగా బహిరంగంగా మాట్లాడలేదు. తన వ్యక్తిగత జీవితాన్ని ఎప్పుడూ ప్రైవేట్ గానే ఉంచారు.
ALSO READ: Harish rao: రేవంత్, ఉత్తమ్ ని ఉరి వేసినా తప్పులేదు
“పెళ్లి కంటే కుక్కను పెంచుకోవడం మంచిది” కాంట్రవర్సి
విడాకుల తర్వాత ఓ ఇంటర్వ్యూలో స్వాతి మాట్లాడుతూ..
“కొన్ని సందర్భాల్లో పెళ్లి చేసుకోవడం కంటే కుక్కను పెంచుకోవడం మంచిదనిపిస్తుంది. అది కనీసం నిన్ను జడ్జ్ చేయదు.. నిస్వార్థంగా ప్రేమిస్తుంది.” అని కామెంట్ చేశారు.
ఆ స్టేట్ మెంట్ అప్పట్లో సోషల్ మీడియాలో పెద్ద చర్చకు దారి తీసింది. కొందరు ఆమె బాధను అర్థం చేసుకుని మద్దతు ఇవ్వగా, మరికొందరు పెళ్లి వ్యవస్థపై చేసిన స్టేట్ మెంట్ గా విమర్శించారు.
ఇప్పుడు రెండో పెళ్లి
ఇటీవల స్వాతి రెండో వివాహం చేసుకున్నట్లు వార్తలు వెలువడ్డాయి. ఆమె తన సన్నిహితుడు, మెంటల్ హెల్త్ అడ్వకేట్ సినిమా డైరెక్టర్ త్రివిక్రాంత్ నాగోతితో కొత్త జీవితాన్ని ప్రారంభించినట్లు పలు సోషల్ మీడియా కథనాలు పేర్కొంటున్నాయి. ఈ వేడుకను అత్యంత సింపుల్ గా, కుటుంబ సభ్యులు, కొద్దిమంది స్నేహితుల సమక్షంలో నిర్వహించినట్లు సమాచారం.
నెటిజన్ల రియాక్షన్
ఒకప్పుడు పెళ్లిపై నిరాశ వ్యక్తం చేసిన స్వాతి.. ఇప్పుడు రెండో పెళ్లి చేసుకోవడంతో సోషల్ మీడియాలో భిన్నమైన స్పందనలు కనిపిస్తున్నాయి.
“జీవితంలో రెండో అవకాశం తీసుకోవడం తప్పు కాదు.”
“ఆమె అప్పటి పరిస్థితిలో చెప్పిన మాటను ఇప్పటి నిర్ణయంతో పోల్చకూడదు.”
“మనుషుల అభిప్రాయాలు, జీవిత పరిస్థితులు కాలంతో మారుతాయి.”
అంటూ చాలా మంది కామెంట్లు చేస్తున్నారు.
సోంత అనుభవాల ఆధారంగా మనిషి ఒక దశలో ఒకలా మాట్లాడవచ్చు. తర్వాత పరిస్థితులు మారితే నిర్ణయాలు కూడా మారొచ్చు. అందుకే ఒక పాత స్టేట్ మెంట్ ను మాత్రమే ఆధారంగా చేసుకుని ఒకరి జీవితాన్ని పూర్తిగా అంచనా వేయడం కంటే, పరిస్థితుల మార్పును కూడా గుర్తించడం అవసరం.
స్వాతి రెండో వివాహానికి సంబంధించిన వివరాలు ప్రస్తుతం పలు మీడియా కథనాల్లో వచ్చిన సమాచారంపై ఆధారపడి ఉన్నాయి. ఆమె లేదా ఆమె ప్రతినిధుల నుంచి అధికారిక ప్రకటనలు వెలువడితే అవే ప్రామాణికంగా పరిగణించాలి.
AUTHOR: D. Sravani
